سمیع اللہ دے مجسمے وچ ہاکی تے گیند دُبارا لا دتی،پچھلے دن مجمسے توں ہاکی تے گیند چوری کر لئی گئی سی……٭رویل خبر٭

بہاولپور (نمایندا رویل) بہاولپور وچ فلائنگ ہارس اولمپیئن سمیع اللہ دے مجسمے وچ ہاکی تے گیند دُبارا نصب کر دِتی گئی‘ ہاکی تے گیند مجسمے توں چوری کر لئی گئی سی۔ پولیس دا کہنا اے کہ مجسمے توں بال تے ہاکی چوری دا مقدما تھانا کینٹ وچ درج کر لیا گیا اے۔ واضح رہوے کہ اولمپیئن سمیع اللہ خان دا مجسما بہاولپور وچ ہسپتال چوک اُتے لایا گیا اے۔ یاد رہوے کہ پچھلے دنیائے ہاکی وچ فلائنگ ہارس دے ناں نال معروف پاکستان ہاکی ٹیم دے پچھلے کپتان اولمپئن سمیع اللہ خان نے بہاولپور وچ اپنے مجسمے دے نال توہین آمیز سلوک اُتے افسوس دا اظہار کیتا سی۔ چور اولمپیئن سمیع اللہ خان دے جدی شہر بہاولپور وچ اوہناں دے مجسمے دے نال رکھی جان والی ہاکی تے گیند چُک کے لے گئے سن‘ واضح رہوے کہ کجھ دن پہلاں کنٹونمنٹ بورڈ بہاولپور ولوں سمیع اللہ خان دے فلاحی ہسپتال دے نیڑ ے اوہناں دا مجسما لایا گیا سی۔ جہدا مقصد فلائنگ ہارس سمیع اللہ خان دیاں پاکستان لئی قدر جوگ خدمتاں نُوں خراج تحسین پیش کرنا سی۔ ایس بارے وچ سمیع اللہ خان دا کہنا سی کہ مینوں سوشل میڈیا راہیں ایس ماڑے سلوک دا پتا لگا‘ جہنے وی ایہ حرکت کیتی اے ایہ چنگی گل نہیں اے۔ ہاکی تے گیند لے جان والے توں میر ی درخاست اے کہ اوہ مجسمے دے نال ہاکی تے گیند نُوں واپس رکھ دین۔