kraamaat@gmail.com
+ +92 333-430-6384


وڈی عید قربانی‘ ایثار تے خُشیاں ونڈ ن دا تہور اے، دینی فریضا اے کہ اسیں عید اُتے محروم طبقے دے نال خُشیاں ونڈیے:عثمان بزدار……٭رویل خبر٭


نمائندا رویل July 21, 2021


لاہور (نمایندا رویل) وزیر اعلا پنجاب سردار عثمان بزدار نے پاکستانی قوم نُوں وڈی عیددی مبارکباد دیندیاں ہویاں کہیا اے کہ وڈی عید قربانی‘ ایثار تے خُشیاں ونڈ ن دا تہور اے۔ ساڈا اخلاقی‘ قومی تے دینی فریضا اے کہ اسیں عید اُتے محروم طبقے دے نال خُشیاں ونڈیے۔ خلق خدا دی خدمت‘ نادرا‘ بے سہارا تے یتیماں نُوں اپنیاں خُشیاں وچ شامل کرنا ای عید دا دا سنیہا اے۔ محروم معیشت طبقے نُوں اپنیاں خُشیاں وچ شامل کرو تے اللہ تعالیٰ نُوں راضی کرو۔ وڈی عید دے موقع اُتے اپنے پیغام وچ وزیر اعلا عثمان بزدار نے کہیا کہ کرونا دی چوتھی لہر دے پیش نظر وڈی عید سادگی نال منانا ساڈا قومی فریضا اے۔ عید اُتے ماسک ضرور پاؤ تے ہتھاں نُوں وار وار دھوو۔ لوکائی توں اپیل اے کہ اوہ وڈی عید اُتے سماجی فاصلے برقرار رکھن تے ایس او پیز اُتے عمل کرن۔ وزیر اعلا عثمان بزدار نے کہیا کہ قیام امن لئی اپنیاں جاناں دے نذرانے پیش کرن والے سیکیورٹی فورساں دے بہادر سپوتراں دیاں لازوال قربانیاں نُوں سلام پیش کردے آں۔ مظلوم کشمیر بھارتی ظلم تے ستم و چ ایہ عید وی منا رہے نیں۔ مودی سرکار نے کشمیری لوکائی توں عید دیاں خُشیاں کھوہ لئیاں نیں۔ پاکستانی قوم اپنے کشمیری بھراواں دے نال کھلوتی اے تے ایہناں د ے اکسُرتا دا اظہار کردے آں۔ اوہناں نے کہیا کہ بحیثیت قوم آپسی رنجشاں تے اختلافات نُوں بھُلا کے اخوت تے محبت دے جذبے نُوں ودھان دی ضرورت اے۔ سانوں عید قربان اُتے جھوٹھ‘ منافقت تے غیبت نُوں ہمیشا لئی قربان کرن د ا عہد کرنا پوے گا۔ اج دا دن اپنی ذات دی نفی‘ ذاتی انا تے مفادات دی قربانی دے کے ایثار‘ بھائی چارے تے ایکے دے جذبے نال سرشار ہو کے ملک دی ترقی لئی کم کرن دا سنیہا دیندا اے۔ایس توں وکھ وزیر اعلا پنجاب سردار عثمان بزدار نے لاہور سنے پنجاب دے ہور شہراں وچ بارشاں دے کارن انتظامیا تے واسا نُوں ا لرٹ رہن دا حکم دیندیاں ہویاں کہیا اے کہ انتظامیا تے واسا حکام نیویں علاقیاں توں پانی دی نکاسی لئی سارے ضروری وسائل استعمال وچ لیائے تے ضروری مشینری راہیں پانی دی نکاسی نُوں گھٹ توں گھٹ ویلے وچ یقینی بنایا جاوے۔ اوہناں نے کہیا کہ واسا حکام تے انتظامی افسران فیلڈ وچ موجود رہن تے پانی دی نکاسی دے کم دی آپ نگرانی کرن۔ اوہناں نے ہدایت کیتی کہ سڑکاں اُتے پانی کڈھن لئی وضع کردا پلان اُتے عملدرآمد یقینی بنایا جاوے تے ٹریفک دی روانی نُوں یقینی بنان لئی موثر مینجمنٹ کیتی جاوے۔ اوہناں نے کہیا کہ نکاسی آب نُوں ٹائم لائن دے اندر مکمل ہونا چاہیدا اے۔ وزیر اعلا عثمان بزدار نے انتظامیا‘ پی ڈی ایم اے‘ ریسکیو 1122 تے متعلقا اداریاں نُوں 24/7 چوکس رہن دی ہدایت کردیاں ہویاں کہیا کہ بارشاں نال پیدا ہون والی صورتحال دی تسلسل دے نال مانیٹرنگ کیتی جاوے تے کسے وی ناخشگوار واقع اُتے فوری سرگرمیاں شروع کیتیاں جان۔ امدادی سرگرمیاں وچ کوتاہی برداشت نہیں کیتی جاوے گی۔ وزیر اعلا نے کئی ضلعیاں وچ بارشاں دے کارن مختلف حادثیاں وچ زخمی بندیاں نُوں علاج معالجے دیاں بہترین سہولتاں فراہم کرن دی ہدایت کیتی اے تے ایس سلسلے وچ متعلقا ضلعیاں دے انتظامی افسراں نُوں ہدایتاں دِتیاں نیں۔ ایس توں وکھ وزیر اعلا پنجاب نے وڈی عید اُتے شہراں وچ صفائی دے بہترین انتظامات کرن دی ہدایت کردیاں ہویاں کہیا اے کہ سالڈ ویسٹ مینجمنٹ کمپنیاں تے لوکل گورنمنٹ دے ادارے وڈی عید اُتے زیرو ویسٹ مینجمنٹ نُوں یقینی بنان۔ وڈی عید دے موقع اُتے پورے پنجاب وچ صفائی دے بہترین انتظامات ہونے چاہید ے نیں۔ صفائی دے بارے وچ شہریاں دیاں شکایتاں دا فوری ازالا ہونا چاہیدا اے۔ کوڑا کرکٹ تے ناڑاں چُکن دے بعد ایہناں نُوں مناسب طریقے نال تلف کیتا جاوے۔ اوہناں نے کہیا کہ عید اُتے فیلڈ وچ جاواں گا تے آپ صفائی دی صورتحال دا جایزا لواں گا۔ چالو ورھے انتظامات خوب توں خوب تر ہونے چاہیدے نیں تے لوکائی نُوں ریلیف نظر آنا چاہیدا اے۔ اوہناں نے کہیا کہ کمشنرز تے ڈپٹی کمشنرز صفائی دے انتظامات دی آپ نگرانی کرن۔ لاہور تے وڈے سہراں وچ صفائی دے انتظامات وچ کوتاہی بلکل برداشت نہیں کراں گا۔