لاہور‘فیصل آباد‘ نارووال‘ جھنگ‘ چنیوٹ وچ تیز  مِینہ نال تباہ کاریاں، 15بندے واصل تے کئی زخمی ہو گئے……٭رویل خبر٭

لاہور (نیوز ڈیسک) پنجاب سنے پورے ملک و چ بارش دیاں تباہ کاریاں جاری نیں جہدے نال ہون والے حادثیاں وچ 15بندے واصل تے کئی زخمی ہو گئے نیں۔ پورے پنجاب وچ موسلا دھار بارشاں دے نتیجے وچ نیویں علاقے پانی ہیتھ آ گئے تے ندی نالے وی بپھر گئے‘ چائنا سکیم وچ گھر دی چھت ڈِگن نال ماپے تے 5 بال زخمی ہو گئے۔ مون سون رنگ وکھان لگا۔ ملک دے مختلف شہراں وچ موسلا دھار بارشاں دا سلسلا جاری اے۔ لاہور‘فیصل آباد‘ نارووال‘ جھنگ‘ چنیوٹ وچ تیز بارش نال نیویں علاقے پانی ہیٹھ آ گئے۔ چناب نگر‘ سانگلا ہل‘ پنڈی بھٹھیاں وچ جھل تھل اِک ہو گیا‘ بارش دا پانی گھراں وچ داخل ہو گیا۔ عیسیٰ خیل وچ طوفانی بارش نے تباہی مچا دِتی‘ نالا بھپر گیا۔ طغیانی نال کئی شہراں دے راہ بند ہو گئے۔ سینکڑے ایکڑ اُتے فصلاں نُوں وی ڈاڈھا نقصان اپڑیا۔ پنڈ داد خان وچ مسلسل موسلا دھار بارش نال برساتی نالے بپھر گئے۔ طغیانی دے کارن غریب وال تے روال روڈ کئی تھاواں توں رُڑھ گئی‘ مختلف علاقیاں وچ پانی گھراں وچ داخل ہو گیا۔ میانوالی وچ بارش دی چھت ڈِگ گئی‘ ملبے تھلے آ کے بالڑی واصل جد کہ 2 بندے زخمی ہو گئے۔ پی ڈی ایم اے خیبر پختونخوا نے بارشاں دے نقصانات دی رپورٹ جاری کر دِتی۔ بارشاں تے طغیانی نال 6 بندے واصل جد کہ 7 زخمی ہوئے‘ مکاناں نُوں وی نقصان پہنچیا۔ موسم دا حال دَسن والیاں نے بارشاں دا سلسلا جاری رہن دی پیشن گوئی کیتی اے۔ دوجے پاسے دیر بالا دے ندی نالیاں وچ طغیانی دے کارن سیاحاں دی گڈی برساتی نالے وچ رُڑھ گئی تے 2 بندے واصل ہو گئے ج دکہ کوہاٹ دے نیڑے شکر دار دے برساتی نالے وچ 7 بندے رُڑھ گئے۔