کرونا ویکسی نیشن دے سرٹیفکیٹس دے اجراء اُتے دُکانداریاں شروع ……٭رویل خبر٭

لاہور (نمایندا رویل) نادرا مرکزاں دے باہر پرائیویٹ لوکاں نے کرونا ویکسی نیشن دے سرٹیفکیٹس دے اجراء اُتے دُکاندریاں شروع کر دِتیاں نیں۔ دَسیا گیا اے کہ اِک پاسے نادرا نے شملا پہاڑی تے میگا سنٹر وچ واقع اپنے دفتراں توں کرونا ویکسی نیشن سرٹیفکیٹ دا اجراء روک دِتا اے تے دوجے پاسے پرائیویٹ لوک شہریاں نُوں 250 رُپئے دے بدلے ایہناں دفتراں توں سرٹیفکیٹ دا اجرا کروا کے فراہم کر رہے نیں ایہ وی دَسیا گیا اے کہ نادرا دے شملا پہاڑی تے میگا سنٹر مراکز اُتے بینر لا دِتے گئے نیں کہ کرونا سرٹیفکیٹ ساندا روڈ دفتر توں حاصل کیتا جا سکدا اے پر سوالی جدوں ساندا روڈ دفتر پہنچے تے اوتھے اوہناں نُوں دَسیا جا رہیا اے کہ ذکر کیتے سنٹر توں سرٹیفکیٹ دا اجرا نہیں کیتا جا رہیا۔ واضح رہو ے کہ مختلف سرکاری محکما جات وچ اپنے ملازماں توں کرونا ویکسی نیشن دے سرٹیفکیٹس منگے گئے نیں جہدے کارن نادرا دفتراں اُتے شہریاں دا رَش ودھ گیا اے تے رَش ودھن دی وجھا توں کرونا سرٹیفکیٹ دی ویچ وٹک دا دھندا شروع کر دِتا گیا اے۔