دِھیاں نُوں سرِ عام درندیاں نُوں مارنا سکھاؤ: حمائمہ ملک ……٭رویل خبر٭

لاہور (نمایندا رویل) پاکستان سنے سرحد دے اوس پار یعنی بھارت وچ وی اپنی اداکاری دے جوہر وکھان والی معروف اداکارا حمائمہ ملک نے کہیا اے کہ اپنیاں دھیاں نُوں ایہ سکھاؤ کہ اوہناں نُوں ہراساں کرن والے درندیاں نُوں سرِ عا م کویں چپیڑ مارنی اے۔ سوشل میڈیا سائٹ انسٹا گرام اُتے حمائمہ ملک نے ملک دی اجوکیصورتحال نُوں ساہمنے رکھدیاں ہویاں خصوصی پوسٹ شیئر کیتی اے۔ اداکارا نے لکھیا کہ ’گول روٹی سکھن دا انتظار کر سکدے آں کیوں جے سبھ توں اہم شے اپنے آپ دی حفاظت کرنا اے۔‘ ایس توں پہلاں حمائمہ ملک نے اسلام آباد وچ قتل کیتی جان والی پچھلے پاکستانی سفیر دی دھی نور مقدم دی مَوت اُتے اِک دلخراش پیغام وچ انکشاف کیتا سی کہ اوہ وی بدسلوکی دے صدمے توں لنگھ چکے نیں۔