kraamaat@gmail.com
+ +92 333-430-6384


حکومت ولوں سوشل میڈیا رولز 2021 دا نوٹیفیکیشن جاری،اظہار راء دی مکمل ازادی ہووے گی……٭رویل خبر٭


نمائندا رویل October 15, 2021


اسلام آباد (نیوز ڈیسک) حکومت نے سوشل میڈیا رولز 2021 دا نوٹیفیکیشن جاری کر دتا‘ جہدے تحت پاکستانی ورتینڈراں نوں اظہار راء دی مکمل ازادی ہووے گی جد کہ یوٹیوب‘ فیس بُک‘ ٹک ٹاک‘ ٹویٹر‘ گوگل پلس سنے سارے سوشل میڈیا ادارے رولز دے پابند ہون گے۔ تفصیلات مطابق وزارت انفارمیشن ٹیکنالوجی تے ٹیلی کمیونیکیشن نے سوشل میڈیا رولز 2021 دا نوٹیفکیشن جاری کر دِتا۔ ایس حوالے نال وفاقی وزیر امین الحق دا کہنا اے کہ ترمیم شدا رولز دے تحت پاکستانی ورتینڈراں نوں آرٹیکل 19 دے تحت اظہار راء دی مکمل ازادی ہووے گی جد کہ پاکستانی ورتینڈر تے سوشل میڈیا اداریاں وچکار رابطیاں لئی رولز اہم کردار ادا کرن گے۔ سوشل میڈیا کمپنیاں نوں پاکستانی قانوناں تے سوشل میڈیا ورتینڈراں دے حقاں دی پاسداری کرنی ہووے گی جد کہ انتہا پسندی‘ دہشتگردی‘ نفرت‘ فحش تے پرتشدد مواد دی لائیو سٹریمنگ اُتے پابندی ہووے گی۔سوشل میڈیا ادارے پاکستان دے وقار تے سلامتی خلاف مواد ہٹان دے پابند ہون گے۔ ایہدے نال اخلاق باختا تے فحش مواد دی تشہیر وی گرفت جوگ جرم ہووے گا۔ کسے وی بندے توں متعلق منفی مواد اپ لوڈ نہیں کیتا جاوے گا۔ دوجیاں دی نجی زندگی‘ بچیاں دی ذہنی تے جسمانی نشونما تے اخلاقیات تباہ کرن والے مواد توں متعلق مواد سنے پاکستان دے ثقافتی تے اخلاقی رجحاناں دے مخالف مواد اُتے پابندی ہووے گی۔