رحمت اللعالمینؐ اتھارٹی دے قیام دا آرڈیننس جاری ……٭رویل خبر٭

اسلام آباد (نیوز ڈیسک) صدر مملکت ڈاکٹر عارف علوی نے رحمت اللعالمین ؐ اتھارٹی دے قیام دا آرڈیننس جاری کر دِتا اے۔ تفصیلات مطابق صدر مملکت ڈاکٹر عارف علوی نے رحمت اللعالمین ؐ اتھارٹی دے قیام دا آرڈیننس جاری کر دِتا جہدے تحت وزیراعظم رحمت اللعالمین ؐ اتھارٹی دے پیٹرن ان چیف ہون گے۔ آرڈیننس مطابق رحمت اللعالمین اتھارٹی چیئرمین تے 6 ممبراں اُتے مشتمل ہووے گی۔ اتھارٹی دے چیئرمین دا تقرر وزیراعظم کرن گے۔ اتھارٹی انصاف تے فلاحی ریاست دے خاب نوں حقیقت وچ بدلن لئی اقدامات کرے گی۔ اتھارٹی نوجواناں دی کردار سازی لئی سیرت نبوی ؐ تے احادیث اُتے تحقیق کرے گی۔ ایس توں وکھ اتھارٹی سیرت نبوی ؐ نوں نصاب دا حصا بنان لئی متعلقا ماہرین نال وی مشاورت کرے گی۔