کرونا دی صورتحال وچ بہتری‘ ہفتاوار 1 دن دی بندش ختم،ایس او پیز دا نفاذ 16 توں 31 اکتوبر تک جاری رہوے گا: این سی او سی……٭رویل خبر٭

اسلام آباد (نیوز ڈیسک) پورے ملک وچ کرونا وائرس دے کیسز دی گنتی وچ کمی دے بعد ہفتا وار اِک دن دی لازمی بندش ختم کر دِتی گئی۔ وسیلیاں مطابق این سی او سی دا اجلاس ہویا‘ اجلاس دے دوران ضلعیاں دی مکمل ویکسی نیشن دی سطح دے تناسب نال صورتحال دا تفصیلی جایزا لیا گیا۔ فور م نے پور ے ملک وچ ہفتا وار اِک دن دی لازمی بندش ختم کر دِتی۔ این سی او سی دے مطابق ایس او پیز دا نفاذ 16 توں 31 اکتوبر تک جاری رہوے گا۔ ان ڈور ویاہ دی تقریب وچ رلتیاں دی گنتی نُوں 200 توں ودھا کے 300 کر دِتا گیا اے‘ آؤٹ ڈور ویاہ دیاں تقریبات وچ لوکاں دی گنتی 300 توں ودھا کے 500 کر دِتی گئی اے۔ 28 اکتوبر نُوں ایس او پیز اُتے نظرثانی کیتی جاو ے گی۔