بچپن توں ای کڑیاں احد رضا نُوں چھیڑدیاں نیں:  احد رضا دی ماں دا انکشاف……٭رویل خبر٭

کراچی (نمایندا رویل) پاکستان دے اداکار احد رضا میر دی والدا نے انکشاف کیتا اے کہ بچپن توں ای کُڑیاں احد رضا میر نُوں چھیڑدیاں نیں۔ احد رضا میر دے اپنی والدا ثمرہ رضا میر دے نال دِتے گئے اِک انٹرویو دی چھوٹی جہی ویڈیو سوشل میڈیا اُتے وائرل ہو رہی اے جہدے وچ اِک دلچسپ انکشاف ساہمنے آیا اے۔ ایس انٹرویو دے دوران شو دی مجمان ندا یاسر ثمراہ رضا میر توں سوال کردے نیں کہ کیہ کدی اوہناں نُوں احد رضا میر دی کوئی شکایت آئی اے‘ کوئی ایہو جہی شکایت کہ احد رضا میر نے کُڑی نُوں چھیڑیا اے؟ ایہدا فورن جواب دیندیاں ہویاں احد رضا میر نے کہیا کہ نہیں ایہو کئی کدی کوئی شکایت اوہناں دے گھر نہیں گئی اے جد احد دی والدا نے اِک دلچسپ جواب د ے ساریاں نوں حیران کر دِتا۔ ثمرہ رضا میر نے کہیا کہ اوہناں نُوں احد رضا میر دی کدی ایہو جہی کوئی شکایت نہیں آئی اے کہ احد نے کسے نُوں چھیڑیا اے‘ پر ہاں کُڑیاں ضرور احد رضا نُوں چھیڑدیاں نیں۔