ماہرہ خان دی ٹیلی فلم ”ایک ہے نگار“ دا ٹریلر جاری،ایہ ٹیلی فلم نجی ٹی وی چینل اُتے 23 اکتوبر نُوں پیش کیتی جاوے گی ……٭رویل خبر٭

کراچی (نمایندا رویل) پاکستان دی پہلی سوانی لیفٹیننٹ جنرل نگار جوہر دی زندگی اُتے بنن والی ٹیلی فلم ”ایک ہے نگار“ دا آفیشل ٹریلر جاری کر دِتا گیا۔ فلم وچ ماہرہ خان نے نگار جوہر دا مرکزی کردار ادا کیتا اے۔ ایہ ٹیلی فلم پاک فوج دی پہلی سٹار جنرل دے عہدے اُتے ترقی پا کے ملک دی پہلی لیفٹیننٹ جنرل تے پاکستان دی پہلی سوانی سرجن نگار جوہر دی زندگی اُتے مبنی اے۔ تقریبن 2 منٹ دے ٹریلر وچ نگار جوہر دی ابتدائی زندگی توں لے کے اوہناں دے لیفٹیننٹ جنرل بنن تک دی کہانی نُوں وکھایا گیا اے کہ اوہناں نے اپنے ایس سفر وچ کنیاں اوکڑاں تے فتوحات حاصل کیتیاں۔ پاک فوج نے ایس فلم راہیں لیفٹیننٹ جنرل نگار جوہر نُوں خراج تحسین پیش کیتا اے۔