kraamaat@gmail.com
+ +92 333-430-6384


شاہکام انڈر پاس‘ شیرانوالا فلائی اوور لئی سیکشن 6 دی سفارش،پنجاب سرکار نے زمین دا ریٹ 2 لکھ 76 ہزار رُپئے فی مرلا متھیا اے……٭رویل خبر٭


نمائندا رویل October 19, 2021


لاہور (نیوز ڈیسک) لاہور دے ترقیاتی ادارے ایل ڈی اے نے شہر وچ جاری 2منصوبے شاہکام انڈر پاس تے شیرانوالا فلائی اوور دے سلسلے وچ نجی مالکاں کولوں زمین حاصل کرن لئی سیکشن 6دا نوٹیفیکیشن جاری کرن دی سفارش کر دِتی اے۔ نوٹیفیکیشن دے اجراء دے بعد پنجاب حکومت دوہواں منصوبیاں دی مد وچ پرائیویٹ شہریاں کولوں قیمت ادا کر کے اوہناں دی اراضی حاصل کر سکے گا۔ ایہ وی دسیا گیا اے کہ پنجاب حکومت نے شاہکام انڈر پاس دے منصوبے لئی حاصل کیتی جان والی اراضی دا ریٹ 2 لکھ 76 ہزار رُپئے فی مرلا جد کہ کمرشل اراضی دی قیمت 4 لکھ 50 ہزار رُپئے فی مرلا متھیا اے جد کہ شیرانوالا فلائی اوور منصوبے دے سلسلے وچ رہایشی اراضی دی قیمت 24 لکھ رُپئے فی مرلا جد کہ کمرشل اراضی دی قیمت 30 لکھ رُپئے فی مرلا متھی ہوئی اے۔ ایہ وی دسیا گیا اے کہ ایس سلسلے وچ متاثرا رہایشیاں نے قیمت ودھان لئی جہڑی اپیل دایر کیتی ہوئی سی اوہنوں خارج کر دِتا گیا اے۔