kraamaat@gmail.com
+ +92 333-430-6384


ہائیکورٹ ولوں شوگر ملز نوں جرمانے کرن توں روک دِتا گیا……٭رویل خبر٭


نمائندا رویل October 19, 2021


لاہور (نمایندا رویل) لاہور ہائی کورٹ نے شوگر ملز نوں جرمانے کرن دے فیصلے اُتے عملدرآمد روک دِتا۔ لاہور ہائی کورٹ وچ شوگر ملز نوں جرمانے کرن خلاف کیس دی سنوائی ہوئی۔ جسٹس جواد حسن نے شوگر ملز مالکاں دی درخاست اُتے سنوائی کیتی۔ درخاست گزار نے عدالت وچ موقف پیش کیتا کہ مہنگی چینی ویچن دا الزام لا کے شوگر ملز نوں جرمانے کیتے گئے۔ مسابقتی کمیشن نے جرمانیاں دی وصولی لئی نوٹس جاری کر دِتے معاملا پہلے توں ای عدالت عالیا وچ سنوائی ہیٹھ اے۔ جرمانے نہیں کیتے جا سکدے‘ عدالت جرمانیاں دی وصولی دا نوٹس کالعدم قرار دیوے۔ عدالت نے شوگر ملز نوں جرمانے کرن دے فیصلے اُتے عملدرآمد روکن دا حکم دیندیاں ہویاں فریقاں نوں نوٹس جاری کر دِتے تے کیس دی سنوائی ملتوی کر دِتی۔