کارخانے بند‘ لنگر خانایاں دِیاں رونقاں بحال نیں: عظمیٰ  بخاری  ……٭رویل خبر٭

لاہور (نمایندا رویل) مسلم لیگ (ن) پنجاب دی ترجمان عظمیٰ بخاری نے کہیا اے کہ نویں پاکستان وچ کارخانے بند تے لنگر خانیاں دِیاں رونقاں بحال نیں۔ نوکریاں تے گھر دین والے اج آئی ایم ایف دے ساہمنے کشکول لے کے منتاں کر رہے نیں۔ ساڈھے 3 سالاں توں عمران خان دنیا بھر وچ بھیک منگن وچ مصروف رہے نیں۔ جس آئی ایم ایف نوں نواز شریف نے ہمیشا لئی خیر باد کہیا دِتا اج عمران خان اوہدے ای ساہمنے اپنی فریاد کر رہے نیں۔ نواز شریف دا پاکستان ترقی دِیاں منزلاں طے کر رہیا اے۔ عمران خان دا نواں پاکستان تنزلی تے گراوٹ ول گامزن اے۔ عظمیٰ بخاری نے ہور کہیا کہ عمران خان دا فوکس صرف اپنے وزیراں نوں تبدیل کرن اُتے اے۔ غریب دی روٹی تے مسئلیاں نال اوہناں دا کوئی سروکار نہیں اے۔