قومی کھڈاریاں ولوں بھارت خلاف میچ دی تیاری،کھڈاریاں نُوں بورڈ ولوں 2017 چیمپئنز ٹرافی دی ویڈیو وکھائی گئی ……٭رویل خبر٭

کراچی (نیوز ڈیسک) جنوبی افریقا دے خلاف وارم اپ میچ وچ شکست دے بعد کھڈاریاں تے مینجمنٹ نے بھارت دے خلاف میچ دی حکمت عملی تیا ر کر لئی۔ وسیلیاں دے مطابق میٹنگ و چ کھڈاریاں تے مینجمنٹ دے وچکار جنوبی افریقا دے خلاف شکست اُتے کوئی گلبات نہیں ہوئی پر کھڈاریاں نُوں بورڈ ولوں 2017 چیمپئنز ٹرافی دی ویڈیو وکھائی گئی جہدے وچ بھارت دے خلاف جت دے حوالے توں فاتح ٹیم دے اراکین دے مختصر انٹرویو ز وکھائے گئے۔ وسیلیاں دے مطابق ایہ ملاقات خشگوار ماحول وچ ہوئی تے کھڈاریاں نے انہماک دے نال چیمپئنز ٹرافی فائنل دی ویڈیو ویکھی۔ وسیلیاں دے مطابق کھڈاریاں نال دبئی اجلاس وچ بھارت نال میچ دے حوالے توں گل ہوئی تے ایس دوران کھڈاریاں نُوں پاک بھارت میچ اُتے چیمپئنز ٹرافی دی مثال دِتی گئی۔ میتھیو ہیڈن نے کھڈاریاں نُوں مشورا دِتا کہ اوہ نارمل رہن تے اپنی بھرویں قوت دا مظاہرا کرن۔