مشرف نوں سزا سُنان نال ہر سپاہی نوں دُکھ ہویا:چودھری شجاعت_____  رویل نیوز

اسلام آباد(نمائندا رویل)مشرف نوں سزا سُنان نال ہر سپاہی نوں دُکھ ہویا اے۔ تفصیل دے مطابق مسلم لیگ (ق) دے سربراہ و سابق وزیر اعظم چودھری شجاعت حسین دا آکھنا اے کہ جنرل (ر) پرویز مشرف نوں عدالتوں پھانسی دی سزا سُنائے جان نال سرحد اُتے کھلوتے ہر سپاہی نوں دُکھ ہویا اے۔ اک بیان وچ چودھری شجاعت نے آکھیا کہ سانوں سپاہی دے جذبات دی وی فکر ہونی چاہیدی، جدوں کہ سالار نوں غدار آکھیا جائے گا تے بارڈر اُتے تعینات فوجی اُتے کیہ بیتے گی؟چودھری شجاعت نے آکھیا کہ کسے وی ملک دا آرمی چیف آسانی نال نہیں بندا، جدوں کہ جنرل دے عہدے تیکر اپڑن والے وچ ملک و قوم لئی محبت ہوندی اے۔