kraamaat@gmail.com
+ +92 333-430-6384


حضرت میراں حسین زنجانی ؒدا ورھے وار عرس، لنگر تے سکیورٹی دے خصوصی  پربندھ ……٭رویل خبر٭


نمائندا رویل October 29, 2021


لاہور (نمایندا رویل) محکما اوقاف تے مذہبی امور پنجاب دے اہتمام ہیٹھ برصغیر پاک و ہند دے معروف صوفی بزرگ حضرت میراں حسین زنجانی ؒ دے 1013 ویں سالانا عرس مبادک دِیاں تقریباں دا اغاز مورخا 29 اکتوبر 2021 توں ہو رہیا اے۔ ایس سلسلے وچ تقریباں دا اغاز 29 اکتوبر 2021 نوں جمعے دی نماز توں بعد غسل مبارک توں ہووے گا جد کہ عرس مبارک دا باقاعدا افتتاح مورخا 30 اکتوبر 2021 عصر دی نماز توں بعد رسم چادر پوشی توں ہووے گا۔ جہدے وچ صاحبزادا پیر سید سعید الحسن شاہ صوبائی وزیر اوقاف‘ نبیل جاوید سیکرٹری چیف ایڈمنسٹریٹر اوقاف تے مذہبی امور پنجاب تے ڈاکٹر طاہر رضا بخاری ڈایریکٹر جنرل مذہبی امود اوقاف پنجاب شریک ہون گے۔ محکما اوقاف نے زایرین دی سہولت تے دربار شریف اُتے آن والے زایرین لئی لنگر تے سکیورٹی دے خصوصی انتظامات کیتے نیں۔ عرس لئی محکمے نے 49 ہزار رُپئے دی عرس گرانٹ وی مختص کیتی گئی اے۔ عرس مبارک دیاں تقریباں 3 دناں تک جاری رہن گیاں۔