قوم نُوں ایس فراڈی حکومت دی کسے گل اُتے یقین نہیں اے: مریم اورنگز یب……٭رویل خبر٭

لاہور (نیوز ڈیسک) پاکستان مسلم لیگ ن دی ترجمان مریم اورنگز یب نے ٹارگٹڈ سبسڈی دے وزیراعظم عمران خان دے اعلان نُوں قوم نا ل تازا فریب‘ جھوٹھ تے فراڈ متھ دِتا‘ اپنے اِک بیان وچ اوہناں نے کہیا کہ عمران صاحب نُوں صرف اپنا‘ اپنے مافیا تے اے ٹی ایمز دا احساس اے‘ لوکائی نُوں تہاڈا کوئی احساس پروگرام نہیں چاہیدا اے‘ لوکائی نُوں تہاڈا کوئی ریلیف نہیں چاہیدا اے کیوں جے تُسیں کوئی ریلیف دین دی صلاحیت نہیں رکھدے۔ ن لیگی ترجمان نے وزیراعظم اُتے تنقید کردیاں ہویاں کہیا کہ تُسیں صرف اپوزیشن نُوں مَوت سزا دیاں چکیاں وچ سُٹن دا احساس تے صلاحیت رکھدے او‘ تُسیں صرف میڈیا تے صحافیاں اُتے حملے دا احساس تے صلاحیت رکھدے او ۔