مہنگائی دی مجموعی شرح 14.31 فیصد تک،پچھلے 1 ہفتے وچ 25 شیواں دے مُل دھے: ادارا شماریات……٭رویل خبر٭

اسلام آباد (نمایندا رویل) ملک وچ پچھلے اِک ہفتے دے دوران 25 لوڑی دیاں شیواں دیاں قیمتاں وچ وادھا ریکارڈ کیتا گیا اے جد کہ مہنگائی دی مجموعی شرح 14.31 فیصد تک پہنچ گئی اے۔ ایہ گل وفاقی ادارا شماریات دی جاری کردا ہفتا وار مہنگائی دی رپورٹ وچ دَسی گئی اے۔ رپورٹ دے تحت پچھلے 1 ہفتے دے دوران مہنگائی وچ 1.23 فیصد وادھا ہویا اے۔ آنکڑیاں دے تحت گھٹ آمدنی والے بندیاں لئی مہنگائی 15.01 فیصد ہو گئی اے۔ وفاقی ادارا شماریات دے مطابق پچھلے 1 ہفتے وچ ٹماٹر 10 رُپئے 71 پیسے مہنگے ہوئے تے ایل پی جی گھریلو سلنڈر دی قیمت وچ 90 رُپئے 31 پیسے وادھا ہویا‘ چینی دی فی کلو قیمت وچ 3 رُپئے 77 پیسے وادھا ہویا‘ آنڈے فی درجن 5 رُپئے 28 پیسے مہنگے ہوئے نیں۔