ماہرہ خان دی باکسر عامر خان دے نال تصو یر وائرل……٭رویل خبر٭

دبئی (نیوز ڈیسک) پچھلے دن دبئی وچ فلم فیئر مِڈل ایسٹ اچیورز نائٹ دا انعقاد کیتا گیا جہدے وچ ایشیا دے فنکاراں نُوں اوہناں دی بہترین کماری اُتے ایوارڈز نال نوازیا گیا۔ ایس تقریب وچ پاکستانی فنکاراں سنے بالی ووڈ دے وی کئی اداکاراں نے رلت کیتی۔ تقریب وچ پاکستانی نژاد برطانوی باکسر عامر خان وی موجود سن جہڑے ٹی 20 ورلڈ کپ دے دوران پاکستان دے میچاں نُوں ویکھن لئی دبئی وچ موجود نیں۔ ایس دوران تقریب وچ پاکستان دیاں صف اول د ی اداکارا ماہرہ خان دے نال باکسر عامر خان دی اِک تصویر وائرل ہو رہی اے جہنوں سوشل میڈیا اُتے شائقین ولوں بہت پسند کیتا جا رہیا اے‘ تصویر لین دے موقع اُتے باکسر عامر خان دا کہنا سی کہ اوہ ماہرہ خان دے مداح نیں تے اوہناں دی اداکاری اوہناں نُوں بہت پسند اے۔