kraamaat@gmail.com
+ +92 333-430-6384


انساناں نُوں جنوراں توں وکھ کرن والی اصل شے اخلا ق:شعیب اختر……٭رویل خبر٭


نمائندا رویل October 30, 2021


اسلام آباد (نمایندا رویل) قومی ٹیم دے پچھلے فاسٹ بولر شعیب اختر دے نال سرکاری ٹی وی اُتے ہون والی بدسلوکی دے معاملے اُتے ڈپٹی سپیکر قومی اسمبلی قاسم سوری وی پچھلے سپیڈ سٹار دی حمایت وچ ساہمنے آ گئے نیں۔ سرکاری ٹی وی اُتے شعیب اختر دے نال پیش آن والے ناخشگوار واقع اُتے پچھلے کھڈاری تے شوبز شخصیات سنے وفاقی وزیراں تے لوکائی نے وی قومی ہیرو دا ساتھ دِتا تے سرکاری ٹی وی دے مجمان دے رویے نُوں نامناسب متھ دِتا۔ ڈپٹی سپیکر قاسم سوری نے سوشل میڈیا قومی ٹیم دے پچھلے فاسٹ بولر دے نال اِک تصویر شیئر کردیاں ہ ویاں کہیا کہ اخلاق نال قوماں بندیاں تے وِگڑدیاں نیں‘ انساناں نُوں جنوراں توں ممتاز کرن والی اصل شے اخلاق اے۔ قاسم سوری دا کہنا سی کہ اپنے عظیم قومی ہیرو دے نال اِک ناں نہاد کرکٹ ایکسپرٹ دے انتہائی جاہلانا رویے دی ڈاڈھی نندیا تے فوری کارروائی دا مطالبا کردا آں‘ ایہ شعیب اختر دی نہیں ملک دی توہین اے۔