kraamaat@gmail.com
+ +92 333-430-6384


گلوکارا  ریشماں دی 8 ویں ورسی اج منائی جاوے گی  ……٭رویل خبر٭


نمائندا رویل November 03, 2021


جہانیاں (شوبز نیوز) ”چار دنا دا پیار او ربّا‘ بڑی لمبی جدائی“ معروف فوک گلوکارا ریشماں دی 8ویں ورسی اج 3 نومبر بدھ نُوں منائی جاوے گی۔ ماضی دی ”کوئل“ لمے عرصے توں گلے دے کینسر وچ مبتلا سن تے اوہ 3 نومبر 2013 نُوں انتقال کر گئے۔ 1947نُوں جمن والی گلوکارا ریشماں دا تعلق خانا بدوشاں دے خاندان نال سی جہڑا ونڈ دے بعد پاکستان منتقل ہویا۔ ریشماں نے اپنے فنی کیریئر دا اغاز صرف 12 ورھیاں دی عمر وچ ریڈیو پاکستان توں کیتا۔ ”ہائے او ربا نہیں او لگدا دل میرا“ ”چار دنا دا پیار اوربّا‘ بڑی لمبی جدائی“ تے ”اکھیاں نُوں رہن دے اکھیاں دے کول کول“ ورگے گانے گا کے شناخت حاصل کیتی۔ انتہائی غریب تے خانا بدوش خاندان نال تعلق ہون دی وجھا توں ریشماں نے باقاعدا تعلیم حاصل نہیں کیتی سی اوہ گھٹ عمری وچ ای مختلف صوفیاء دے مزاراں اُتے گنگنایا کردے سن‘ عظیم صوفی بزرگ لال شہباز قلندر دے مزار اُتے ”ہو لعل میری“ گان بعد ایہناں نُوں ریڈیو تے ٹی وی اُتے گان دا موقع ملیا۔