میرے ذہن وچ مومن دا کردار نقش اے‘ ہُن ایہ کردار مینوں چھڈ نہیں سکدا:فیصل قریشی ……٭رویل خبر٭

کراچی (نیوز ڈیسک) معروف پاکستانی اداکار فیصل قریشی نے انکشاف کیتا اے کہ اوہناں نے جدوں پہلی وار اپنے پراجیکٹ دِل مومن دا سکرپٹ پڑھیا سی تے اوہ رو رہے سن۔ فیصل قریشی نے نجی ٹی وی اُتے اپنے آن والے نویں پراجیکٹ دلِ مومن وچ اپنے کردار دے بارے وچ گل کردیاں ہویاں کہیا کہ کردار نُوں بہت خوبصورتی نال لکھیا گیا اے۔ اوہناں نے انکشاف کیتا کہ جدوں اوہناں نے پہلی وار سکرپٹ پڑھیا تے اوہ رو پئے۔ اوہناں نے کہیا کہ ڈرامے دی شوٹنگ مکمل ہویاں 3 مہینے ہو چکے نیں تے مومن دے کردا ر دے بارے وچ ہر شے ہُن وی میرے نال اے۔ فیصل قریشی نے کہیا کہ میرے ذہن وچ مومن دا کردار نقش اے‘ ہُن ایہ کردار مینوں چھڈ نہیں سکدا‘ مکمل طور اُتے مومن دے کردار وچ ڈھل گیا آں۔