ڈینگی نال پچھلے دیہاڑ 11 بندے مرے‘ حکومت نُوں کوئی پرواہ نہیں: عمران نذیر……٭رویل خبر٭

لاہور(نمایندا رویل) مسلم لیگ ن دے رکن اسمبلی عمران نذیر نے آکھیا کہ 21 مارچ نوں ڈینگی اتے ٹویٹ توں الرٹ کیتا سی مون سون بعد سرویلنس ہونا ناگزیر سی اسیں تے ایس او پیز وی بنا دتے نیں ایس اوپیز اتے فالو کرکے ڈینگی توں نجات مل سکدی سی پر سارے توجا اے ٹی ایم مشیناں نوں بھرن تے اپوزیشن خلاف اے۔ عمران نذیر نے آکھیا کہ حکومتی لوک آکھدے نیں کہ فوگ نہیں آوندی جو افسوسناک اے۔ کل 11 تھاں اتے جنازیاں اتے گیا تے پتا لگا اوہ سب ڈینگی نال مرے نیں۔ لوکائی ایہناں دی نااہلی بھگت رہے نیں۔ شہباز شریف تے خواجا سلمان رفین کولوں ٹیوشن لوو جے گیس پیپر وی دے دتے تے وی ڈینگی نہیں ختم کرا سکدے‘ ہیلتھ کارڈ کدرے کم نہیں آرہیا۔