اِک ورھے وچ ستارھاں  میچ دی جِت اُتے خُش آں: بابراعظم……٭رویل خبر٭

ڈھاکا/اسلام آباد (نیوز ڈیسک) قومی کرکٹ ٹیم دے کپتان بابراعظم نے کہیا اے کہ کرونا دے دناں وچ اسیں سٹیڈیم وچ کراؤڈ نُوں بہت مس کیتا‘ سال وچ 17 ٹی 20 میچاں وچ کامیابیاں اُتے بہت خُش آں‘ ایہ سبھ ٹیم دی محنت دا پھَل اے۔ میڈیا نال گلبات کردیاں ہویاں بنگلا دیش وچ موجود قومی کرکٹ ٹیم دے کپتان بابراعظم نے کہیا کہ ٹی 20 سیریز وچ بنگلا دیش دے خلاف تِناں میچاں وچ ڈھاکا دے کراؤڈ نے بھرواں سپورٹ کیتا۔ بابراعظم نے کہیا کہ جت دے حصول لئی ضروری اے کہ پہلے اپنیاں خامیاں دی نشاندہی کیتی جاوے‘ سانوں فیلڈنگ تے لوئر مڈل آرڈر و چ بہتری دی ضرورت سی۔ کپتان قومی کرکٹ ٹیم نے کہیا کہ پچھلے کجھ مہینیاں وچ ساڈی فیلڈنگ بہت بہتر ہوئی اے۔