فلم بنانا اوکھا کم ،جہڑا و ی کر رہیا  دل توں کر رہیا اے:حریم فاروق ……٭رویل خبر٭

کراچی (شوبز نیوز) اداکارا تے ماڈل حریم فاروق نے کہیا اے کہ پاکستان وچ مستقل مزاجی نال فلماں بنان دی ضرورت اے‘ ساڈا سینما کلچر واپس آنا چاہیدا اے۔ میڈیا نال گلبات کردیاں ہویاں اداکارا نے کہیا کہ اسیں بُہتیاں فلماں ایس لئی بنا رہے آں کہ سانوں چنگا مستقبل نظر آ رہیا اے پر سانوں ہور مستقل مزاجی وکھان دی ضرورت اے۔ ساڈی انڈسٹری دا پورا دنیا وچ ناں اے کیوں جے اسیں کافی عرصے تک چنگا کم کر کے وکھایا اے۔ حریم نے ہور کہیا کہ جتھوں تک انڈین فلماں دی بندش نال پاکستانی فلماں اُتے سینما ناظرین نُوں تفریح فراہم کرن دے حوالے توں جہڑی ذمے داری وچ وادھا ہویا اے اسیں ہولی ہولی پورا کر پاواں گے۔ فلم بنانا مشکل کم اے جہڑا وی ایہ کم کر رہیا اے دل توں کر رہیا اے‘ کسے وی پروڈیوسر دا پہلا ہدف پیسا کمانا نہیں ہوندا