ساڈھے تِن ورھیاں وچ کوئی تبدیلی نظر نہیں آئی:  شاہد خاقان عباسی……٭رویل خبر٭

اسلام آباد (نیوز ڈیسک) پچھلے وزیراعظم شاہد خاقان عباسی نے حکومت اُتے تنقید کردیاں ہویاں کہیا اے کہ ملک وچ ساڈھے 3 سالاں وچ کوئی تبدیلی نظر نہیں آئی۔ 2018 دا الیکشن چوری کیتا گیا‘ ملک وچ شفاف الیکشن توں وکھ کوئی چارا نہیں۔ کوہستان دے علاقے داسو وچ پاکستان مسلم لیگ (ن) دے جلسے نال خطاب وچ شاہد خاقان نے کہیا کہ 2018 دا الیکشن چوری کیتا گیا‘ ملک وچ شفاف الیکشن توں وکھ کوئی چارا نہیں۔ اوہناں نے کہیا کہ ملک وچ ساڈھے 3سالاں وچ کوئی تبدیلی نظر نہیں آئی۔ اوہناں نے کہیا کہ نواز شریف دی حکومت جس سازش دے تحت توڑی گئی اج سارا ملک باخبر ہو چکیا اے۔ اوہناں نے کہیا کہ نوا زشریف نال مسلم لیگ (ن) نے ای ملک نوں ترقی دی راہ اُتے گامزن کرنا اے۔