اداکار دارِدھم تے تال میل جاننا ضروری اے: فردوس جمال……٭رویل خبر٭

لاہور (نمایندا رویل) سینئر اداکار فردوس جمال نے کہیا اے کہ ردھم وچ بولنا ای اصل آرٹ اے تے باہر دی دنیا دے اداریاں وچ فنکا ر نُوں ایہو سکھایا جاندا اے‘ اوتھے ایہ سکھایا جاندا اے کہ تہاڈی شخصیت دے چلن وچ ردھم اے جو کسے کردار دی اصل جان ہوندا اے۔ اِک انٹرویو وچ فردوس جمال نے کہیا کہ ایہ صرف گلوکارلئی نہیں سگوں اداکار لئی وی ضروریا ے کہ اوہدے وچ ردھم وی ہووے تے اوہنوں اداکاری دی تال میل دا وی پتا ہووے۔ اوہناں نے کہیا کہ جدوں مینوں وی اداکاری دا شوق ہویا تے دوجیاں وانگوں میری وی ایہو سوچ سی کہ میں بس کر لواں گا پر جدوں ایس فیلڈ وچ آیا تے کوشش دے باوجود نہیں ہو رہیا سی فیر میں لبھیا اداکاری دی سائنس کیہ اے۔