kraamaat@gmail.com
+ +92 333-430-6384


اسلامو فوبیا‘ یہودو ہنود فوبیا……٭رویل کالم٭


جمیل احمد پال December 25, 2021


صدر عارف علوی ہوراں سعودی عرب شورا کونسل نال ملاقات سمے آکھیا کہ اسلامی دیساں نوں اسلامو فوبیا دے چیلنج نال نبڑن لئی رل کے کم کرنا چاہیدا اے۔ لگ بھگ ایہو جہے خیالات وزیراعظم ہوراں دے وی نیں جہڑے ویلے ویلے ایہدے بارے گل کردے رہندے نیں۔ ساڈے بہت سارے سیانیاں دا خیال اے کہ یورپامریکا یاں فیر ہور دیساں وچ اسلام بارے بہت ڈر تے خوف ملدا اے جہدے پاروں اوہ اجہے اقدام کردے رہندے نیں جہدے پاروں اوتھے وسدے مسلماناں نوںیاں فیر پاکستان ورگے دیساں نوں مشکل دا ساہمنا کرنا پیندا اے۔

جے ایسے صورتحال نوں پلٹا کے ویکھیے تاں ساڈے ایتھے وی سارا کجھ یہود و ہنود دے کھاتے پا دتا جاندا اے۔ فحاشی تے پورنوگرافی دی گل ہووے تاں اوہ وی یہودیاں نے مسلماناں نوں تباہ کرن لئی کھلاری ہوئی اے۔فلماں وچ وی ساڈے بھانے اوہ مسلماناں دے کردار ماڑے انداز نال پیش کردے نیں۔ پولیو قطرے وی مسلماناں دی نسل کُشی لئی ایجاد کیتے گئے نیں۔ ریڈیو تے ٹیلی وژن وی مسلماناں دی اخلاقیات تباہ کرن لئی ایجاد کیتے گئے۔ ایس طرحاں دے ہور کئی احمقانا تے سٹیریو ٹایپ خیالات ساڈے ایتھے ہر تھاں کھلرے پئے نیں تے پڑھے لکھے لوک وی ایہناں وچ پوری طرحاں یقین رکھدے نیں۔

کوئی نہیں پچھدا کہ کیہ یہودیاں دی کھلاری پورنوگرافی زبردستی مسلماناں نوں وکھائی جاندی اے؟ سانوں کوئی بندوق دے زور اُتے اجہیاں چیزاں ویکھن نوں مجبور کردا اے؟ کیہ سارے غیر مسلم دیس بغیر پولیو قطرے پیتےپولیو فری ہو گئے نیں؟ ٹیلی وژن یاں فلم اوہناں دے اپنے دیساں وچ وی اےاوتھے اوہ کویں اخلاقیات دی تعمیر کر لیندی اے؟

حقیقت ایہ اے کہ اجوکی مسلم امتاک خاص قسم دے احساس کمتری دا شکار اے جہدے پاروں اوہدے خیال وچ ساری دنیا ویلھی بیٹھی اوہدے خلاف سازشاں کر رہی اے۔ ایہ کوئی نہیں سوچدا کہ عالم اسلام وچ جے ان پڑھتا دی شرح سبھ توں ودھ اے تاں کیہ اوہ وی یہود و ہنود دی کسے سازش پاروں اے؟ جے مسلم دنیا وچ چج دے ہسپتال نہیں تاں اوہ کہڑے یہودی نے ایہناں نوں بنان توں روکیا ہویا اے؟ ایہو جہے ذہن اُتے آپ کسے جہی نہ تے گل کرنوں رہی نہورگا پنجابی اکھان پورا آوندا اے۔

کیہ واقعی ساری دنیا اسلامو فوبیا دا شکار اے؟ ساڈے ان پڑھ لوک جہڑے لک چھپ کےغیر قانونی انداز نال یورپی دیساں اپڑ کے روٹی کماون لگ پیندے نیںجدوں چنگا چوکھا کھان لگ پیندے نیں تاں اوہناں نوں اسلام یاد آ جاندا اے۔ فیر اوہ اپنے اسلامی دیساں نوں پرتن دی بجائے یورپ وچ اسلام کھلارن دی کوشش کردے نیں جو اصلوں اسلام دی بجائے اوہناں دی اپنی کچی پکی سوچ ہوندی اے۔ اوہناں اُتے جدوں پابندیاں لگدیاں نیں تاں اوہناں نوں لگدا اے کہ ایہ اسلام دے خلاف سازش ہو رہی ا ے۔

٭ ٭ ٭ ٭ ٭