kraamaat@gmail.com
+ +92 333-430-6384


بھارت خلاف جِت‘ بابراعظم دی قومی ٹیم نُوں شاباش،شاباش مُنڈیو! اپنی کمکاری نال ساڈا سر اُچا کردے رہوو: بابراعظم……٭رویل خبر٭


نمائندا رویل December 27, 2021


لاہور (نمایندا رویل) قومی کرکٹ ٹیم دے کپتان بابر اعظم نے انڈر 19ا یشیا کپ وچ پاکستان دی بھارت دے خلاف فتح تے سیمی فائنل وچ رسائی اُتے خُشی دا اظہار کیتا اے۔ بابراعظم نے مائیکرو بلاگنگ ویب سائٹ ٹوئٹر اُتے پاکسان دی انڈر 19 ٹیم دی ایشیا کپ وچ بھارت دے خلاف فتح اُتے ایونٹ وچ کھڈاریاں دی شاندار کمکاری دی تعریف کیتی اے۔ اوہناں نے اپنے ٹویٹ وچ لکھیا کہ شاباش منڈیو! اوہناں نے کھڈاریاں نُوں مشورا دیندیاں ہویاں لکھیا کہ ایس طرحاں شاندار کمکاری دا مظاہرا کرو تے ساڈا ساریاں دا سر فخر نال اُچّا کردے رہوو۔ بابراعظم نے انڈر 19 ٹیم دیاں ہور کامیابیاں لئی اپنیاں نیک خاہشاں دا اظہار وی کیتا۔