سٹیج ڈرامے دے پلیٹ فارم توں معاشرے دی اصلاح ممکن اے،جہیز‘ طلاق دے خاتمے تے تعلیم نُوں سٹیج دا موضوع بنایا جاوے: نسیم وکی……٭رویل خبر٭

لاہور (شوبز نیوز) معروف کامیڈین اداکار نسیم وکی نے کہیا اے کہ سٹیج ڈرامے دے پلیٹ فارم توں معاشرے دی اصلاح ممکن اے‘ سٹیج دے سینئر رائٹراں نے نویں سکرپٹ لکھنے چھڈ دِتے نیں جہدی وجھا توں پرانے سکرپٹ اُتے ڈرامے کیتے جا رہے نیں۔ اِک انٹرویو وچ گلبات کردیاں ہویاں نسیم وکی نے کہیا کہ میں سمجھدا آں کہ جے سٹیج ڈرامے وچ کامیڈی دے نال اصلاحی پہلو وی رکھیا جاوے تے کئی معاملات وچ بہتری آ سکدی اے تے سٹیج ڈراما ایہدے لئی سبھ توں بہترین پلیٹ فارم اے۔ اوہناں نے کہیا کہ میں ہمیشا کوشش کیتی اے کہ لوکاں دے چہریاں اُتے خُشیاں کھلارن دے نال اوہناں نُوں اِک پیغام وی دواں۔ میں چاہندا آں سٹیج توں جہیز دی لعنت دے خاتمے‘ طلاق دے ودھدے رجحان تے تعلیم نُوں موضوع بنایا جانا چاہیدا اے۔