kraamaat@gmail.com
+ +92 333-430-6384


ماہرہ  پہناوے بارے پرانے خیالاں دی مالکن ،بالپن توں ای اجہی آں:ماہرہ خان ……٭رویل خبر٭


نمائندا رویل December 30, 2021


کراچی (شوبز نیوز) پاکستان دی سرفہرست دی اداکارا ماہرہ خان دا کہنا اے کہ اوہ پہناوے دے معاملے وچ بہت دقیا نوسی خیالاں دے مالک نیں۔ اِک انٹرویو وچ ماہرہ خان نے کہیا کہ اوہ بالپنای توں اپنے پہناوے دے معاملے وچ بہت دقیا نوسی خیالاں دے مالک نیں‘ اوہ شروع ای توں ایہو جہے نیں‘ اوہ نہیں جاندے کہ انج کیوں اے‘ حالاں جے اوہ بیرون ملک وی رہ چکے نیں‘ اوہ چاہن تے ٹی شرٹ تے شورٹس پا سکدے نیں۔‘ ماہرہ نے کہیا کہ ’جے اوہ اپنی لت دا اِک انچ حصا وی وکھا دین تے لوک اوہناں نال نفرت کرنا شروع کر دیندے نیں‘ چھوٹے کپڑے پان اُتے اوہناں دے مداحاں دا رویا ہوندا اے کہ اوہو ایہ کیہ کر دِتا پر ہُن اوہ مداحاں دے رسپانس دا بُہتا نہیں سوچدے۔