برصغیر گلوکاری دے حوالے توں بڑا ذرخیز اے: سائرہ نسیم ……٭رویل خبر٭

لاہور (نمایندا رویل) نامور گلوکارا سائرہ نسیم نے کہیا اے کہ برصغیر دا خطا گلوکاری دے حوالے توں بڑا ذرخیز ثابت ہویا اے تے ایتھوں بڑے نامور گلوکاراں نے عالمی اُفق اُتے شہرت حاصل کیتی۔ اوہناں نے اِک انٹرویو دے دوران کہیا کہ ساڈی موسیقی نُوں اج وی دنیا وچ پسند کیتا جاندا اے پر ایہنوں ماضی وانگوں ٹیسی حاصل نہیں ایس لئی سانوں منصوبا بندی کر کے نویں سرے توں محنت کرنی پوے گی۔ اوہناں نے کہیا کہ جے موسیقی دی ترقی لئی کوئی منصوبا شروع کر کے کوئی ذمے داری سونپی جاندی اے تے اوہنوں خُشی نال قبول کراں گی۔ سانوں اپنی موسیقی نُوں دُبارا ٹیسی اُتے لے جان لئی نویں سرے توں محنت کرنی پوے گی‘ جے نویاں فلماں اُتے سرمایا کاری ہووے گی تے ایہدے نال موسیقی سنے ہور شعبے وی ترقی کرن گے۔