افغان کُڑیاں نوں نہیں پتا اوہ سکول جاون گیاں یاں نہیں، کُڑی دی انجلینا توں مدد دی بینتی……٭رویل خبر٭

لاس اینجلس (نیٹ نیوز ڈیسک) عالمی شہرت یافتا ہالی ووڈ اداکارا تے اقوام متحدا دی خصوصی سفیر انجلینا جولی توں تعلیم حاصل کرن دی چاہیوان اِک افغان کڑی نے مدد دی اپیل کر دِتی۔ انجلینا جولی نے انسٹا گرام اُتے افغانستان وچ کُڑیاں دے سکول دُبارا بند ہون اُتے اِک افغان کُڑئی ولوں ملنوالے خط دے بارے وچ دَسیا اے۔ اوہناں نے ایس خط دے بارے وچ لکھیا کہ ’اوہناں نُوں ایہ خط اِک افغان کُڑی ولوں ملیا اے‘ جہڑی کہ افغانستان وچ کُڑیا دے سکول بند ہون نال متاثرہون والے لکھاں وِچوں اِک اے۔ اوہناں نے لکھیا کہ ’تعلیمی سال دے پہلے ای دن لکھاں افغان کُڑیاں جہڑے پہلے ای 8 مہینیاں توں تعلیم توں محروم نیں‘ ایہ نہیں جاندے کہ اوہ دُبارا کلاس روم وچ قدم رکھن گے یاں نہیں‘۔ اوہناں نے کہیا کہ افغانستان وچ سوانیاں دی تعلیم تے اوہناں دے حقاں لئی حمایت تے جدوجہد جاری رکھاں گے۔