kraamaat@gmail.com
+ +92 333-430-6384


پنجابی زبان دے ودھیا استاد وجوں پروفیسر ڈاکٹر سعادت علی ثاقب دیاں سیواواں نوں ہمیش یاد رکھیا جاوے گا:ڈائریکٹر ادارہ پنجابی سلیکھ تے رہتل سار ،جامعہ پنجاب لاہور ۔۔۔۔۔۔۔٭رویل خبر٭


نمائندا رویل June 11, 2022


پنجابی زبان دے ودھیا استاد وجوں پروفیسر ڈاکٹر سعادت علی ثاقب ہوراں دیاں سیواواں نوں ہمیش یاد رکھیا جاوے گا:ڈائریکٹر ادارہ پنجابی سلیکھ تے رہتل سار ،جامعہ پنجاب لاہور ۔۔۔۔۔۔۔٭رویل خبر٭

لاہور (اُچیچا نمایندا رویل)پچھلے دیہاڑ پنجاب یونیورسٹی لاہور اندر پروفیسر ڈاکٹر سعادت علی ثاقب ہوراں دی ملازمت دی مدت مکمل ہوون تے ادارہ پنجابی سلیکھ تے رہتل سار ولوں اِک پروگرام دا آہر کیتا گیا اے جہدے وچ پروفیسر ہوراں دیاں سیواواں نوں یاد کیتا گیا۔پروفیسر ڈاکٹر عاصمہ قادری ہوراں نے آپ دی یونیورسٹی نال جُڑئت تے پڑھیاراں واسطے خلوص دے جذبے بارے گلبات کردیاں اوہناں دی سیواواں بارے دسیا۔پروفیسر ڈاکٹر ظہیر شفیق ہوراں نے نصابی سرگرمیاں دے نال نال اوہناں دیاں ہم نصابی سر گرمیاں بارے وی دسیا جس کرکے ادارہ قومی پدھر تے کئی انعام وی جتن وچ کامیاب ہویا۔پروفیسر ڈاکٹر نوید شہزاد ہوراں نے پروفیسر ڈاکٹر سعادت علی ثاقب ہوراں دے یونیورسٹی اندر قیام دے حوالے نال کئی یاداں سانجھیاں کیتیاں تے آون والے ویلے لئی چنگی صحت نال حیاتی ہنڈاون دی دعا وی دتی۔پروگرام دے اخیر تے ڈائریکٹر ادارہ پنجابی سلیکھ تے رہتل سار ،پروفیسر ڈاکٹر نبیلہ رحمٰن ہوراں نے اپنے وچار سانجھے کردیاں ہویاں پروفیسر ڈاکٹر سعادت علی ثاقب ہوراں دی ادارے لئی سیوا نوں موضوع بنایا تے اوہناں دے بطور استاد کم کار نوں سراہیا ۔اوہناں دا کہنا سی کہ پروفیسر ہوریں اپنے کولیگز دے نال نال اپنے پڑھیاراں دے وی ہرمن پیارے نیں جہناں نوں کدے وی چیتے وچوں کڈھیا نہیں جا سکدا اے تےپنجابی زبان دے ودھیا استاد وجوں پروفیسر ڈاکٹر سعادت علی ثاقب ہوراں دیاں سیواواں نوں ہمیش یاد رکھیا جاوے گا ۔تقریب دے اخیر تے پروفیسر سعادت علی ثاقب ہوراں نوں پُھل تے تحفے پیش کیتے گئے۔