kraamaat@gmail.com
+ +92 333-430-6384


عبداللہ قیصر / نظم


خاص لیکھ December 24, 2019


آؤندا جدوں چیتے مینوں

بیتا ہویاکل اے

اکھیاں چوں ڈُلھ جاندی

ہنجواں دے چھل اے

ہسدے ساں وسدے ساں

گلیاں چ نسدے ساں

چھپڑاں چ نہاؤندیاں

اوہ چکڑاں چ وڑھنا

نالے کنڈے چھپڑی چوں

ڈولیاں نوں پھڑناں

گارے نال لتے پتے

گھر جدوں وڑناں

بے بے دیاں جھڑکاں

چپیڑاں کولوں ڈرناں

توڑے اتے بہ کے

پڑھائی جہڑی ہوندی سی

دُھپ وچ تختی سُکائی

جہڑی ہوندی سی

گُلی ڈنڈا کھیڈدے

لڑائی جہڑی ہوندی سی

بھین تے پروہنے جدوں

کھیڈدے ساں رل کے

بہ جانا ویڑے وچ

پاسا اک مل کے

گُڈ ی نال گُڈے داویاہ فیر کرنا

چھیموں گھر جنج داڈھکا فیر کرنا

توتیاں تے واجے

نالے پیپے والا ڈھول سی

کُجی وچ جانجیاں لئی

پک جاندے چول سے

لاڑے دے بہانے روٹی

گُڈو کھائی جاندا سی

ڈکوڈکو ایہنوں رولا

گاموں پائی جاندا سی

چونکی اتے لیڑا پا کے ڈ

ولی بن جاندی سی

ووہٹی دی سہیلی

چھنوں بھولی بن جاندی سی

بیتے ہوئے ویلے نوں

لیاوے کہڑا موڑ کے

انبراں تو چن نوں

لیاوے کہڑا توڑ کے

ورھیاں توں بعد وی تے

کل دی ای گل اے

اکھیاں چوں ڈُلھ جاندی

ہنجواں دی چھل اے

آؤندا جدوں چیتے مینوں

بیتا ہویا کل اے