kraamaat@gmail.com
+ +92 333-430-6384


اِک سوہنا پنجابی اداکار ۔۔۔۔جِمی شیر گِل۔۔۔رویل لیکھ


سجیل شبیر حسین March 04, 2023


اِک سوہنا پنجابی اداکار ۔۔۔۔جِمی شیر گِل۔۔۔رویل لیکھ

سجیل شبیر حسین

پنجابی زبان دا وڈا تے سبھ توں سوہنا اداکار جمی شیر گل نوں منیا جاندا اے .سوہنا ہون دے نال نال اوں فلم یا ں کریکٹر کردا اے جہڑا معاشرے تے ہووے۔دسمبر 1970ء نوں جسجیت سنگھ گل دے گھر چڑھدے پنجاب (انڈیا) وچ پیدا ہوئے . تے ایہناں اپنے کیریر دا آغاز بولی ووڈ دی فلم ماچس 1996ء توں کیتا تے ایہناں ڈرامیاں وچ وی کم کیتا تے بہت مقبول ہوگئے ۔ہن تک 40 توں زیادہ فلماں وچ ہیروں تے مین کاسٹ دے طور تے کم کر چکے نیں مثال دے طور تے ١ مشہور گانا (میرے یار کی شادی ہے ) فیر فلم انڈسٹری دے وڈے ناں امیتابھ بچن،شاہ رُخ خان تے ایشوریا رائے دے نال وی کم کیتا ایہ فلماں دے پروڈیوسر وی نیں۔ہن پنجابی فلم جہٹری معاشرے دی عکاسی کر دی اے فلم دا ناں اے( یاراں نال بہاراں )2005ءاوہدے وچ یونیورسٹی وچ پڑھیار ، ہیرو اوتھے کلاس وچ پڑھدی اک کُڑی نال اوس نوں پیار ہو جاندا اے تے کڑی وی رازی ہوندی اے تے ایہناں دے گھر والے نہیں مندے تے فیر اوہناں دے سارے کلاس فیلو اوہناں نوں گھر توں نسن دا مشورا دیندے نیں۔ لیکن کُڑی تے منڈے اپنے اپنے ماں باپ دی عزت دا خیال ہوندا اے تے اوں ایہ کم نہیں کردے اپنے پیار نوں ماپیاں توں قربان کر دیندے نیں تے فیر اوہناں دوواں دا ماں باپ بڑا خُش ہوندا اے کہ ایہناں ساڈی عزت دا خیال اے تے ہولی ہولی دنواں دے ماں باپ رازی ہوندے نیں تے شادی لئی راضی ہو جاندے نیں ۔تے ایس فلم وچ جوان ہوندیاں بچیاں لئی بہت وڈا سبق اے کہ ماں باپ توں بار ہو کے کوئی وی کم نہیں کرنا چاہیدا ۔فیر اک فلم اے (میل کر دے ربا ) تسیں بڑا ناں سُنیا ہوے گا گِپی گریوال نے ایس فلم وچ ویلن دا رول کیتا تے ہیرو جمی شیر گل سی .اک ہور فلم جہڑی اج وی تے آن والے 100 ورھیاں تیک چلدی رہوے گی ۔اوس فلم دا ناں اے"شریک" ایہدے دو پارٹ نیں اک 2022 ء دے آخر وچ آیا اے ۔ایہدے وچ دسیا گیا اے کہ جدوں خاندان دی عورت یاں مرد کوئی غلط کم کرے گا تے اوہدا نتیجہ آن والیاں کئی نسلاں نوں بھُگتنا پوے گا ۔کیوں کے اوہدے وچ وکھایاگیا اے کہ اک باپ اگر دو ویاہ کردا اے تے دوجا ویاہ لکایا ہوندا اے تے جد اوں بچے جوان ہوندے نیں تے اوں پہلی بڈھی دے بالاں نال ایس وجھا توں لڑدے نیں کہ ساڈا وی حق دیو ۔دوجا اے وے کہ اگرشریک یعنی چاچے بابے وغیرا اپنے بھتیجے دی بیوی نال سنبندھ بنا کر کے اوہدے نال غلط کم کر کے جدوں اوہدے ول بال پیدا ہوندا تے ماں دسدی اے کہ توں اوہناں دا منڈا اے تے ماں شریکاں نال رل اپے شوہر نوں مروا دیندی اے تے ایہ ساری فلم وچ وکھایا اے ہور وی بہت چنگیاں فلماں جمی شیر گل نے بنایاں نیں تے ہُن تک بنا رے نیں 2023ء وچ فلم آئی انج ای اوہ کم کردے رہن گے ۔

٭٭٭٭٭