پنجابی زبان دا وڈا تے سبھ توں ودھ بولن والا  اداکار۔۔۔۔٭رویل کالم٭

پنجابی زبان دا وڈا تے سبھ توں زیادہ بولن والا تے مزاحیہ اداکار بِنوں ڈِھلوں نوں منیا جاندا اے تے ایہناں دا اصل ناں بریندر سنگھ ڈِھلوں اے۔ایہ 29 اگست 1975ء نوں چڑھدے پنجاب دے شہر دھوری سگھرور وچ پیدا ہوۓ آپ نے اپنے کیریر دا آغاز 1998ء وچ بطور ٹی وی توں چھوٹے موٹے رول کیتے ۔

بریندر سنگھ ڈِھلوں اپنا پہلی کامیاب ہِندی فلم "شہید اعظم"تے ”ڈیو ڈی“کیتی ۔ فیر آپ نے پنجابی فلم کیری آن جٹا کیتی ۔ایہ فلم دی وجھا توں ایہناں دی زندگی وچ خُشیاں نے ڈیرے لا لئے سن ۔کیوں جے ایہ اوس دور دی وڈی فلم سی ۔ تے ایس فِلم دا مشہورمکالما "کالا کوٹ ایویں نہیں پایا نہیں دھو کے پایا "۔ ایہی نہیں ہور وی بہت ساریاں پنجابی فِلماں کیتیاں نیں۔جیویں کہ” سَرپھیرے“ ”رولا پے گیا“ ”توں میرا بھائ میں تیرا بھائی“ ”لکی دی اَن لکی سٹوری '، "رنگیلے"تے "ویکھ براتاں چلیاں " نیں .

ہور وی بہت کم کیتا اے ۔29جون 2023 نوں ” کیری اَن جٹا 3“ آئی تے بہت ہِٹ ہوئی ۔

کیری اَن جٹا وچ بھر پور انٹرٹینمنٹ بھری اے ۔

ایہناں نے فلماں وچ بطور ہیرو وی کم کیتا۔

ایہناں دی عمر لگ بھگَ 48 سال ہو گئی اے تے ہن وی فِلماں وچ کم کر رہے نیں ، ساڈیاں دُعاواں نال نیں۔

٭٭٭٭٭