ساڈا دیس۔۔۔۔٭رویل شاعری٭

ساڈا دیس گلیاں دے وِچ رب رب ہوندی کندھاں کرن دعا قسمے پِنڈ پِنڈ ہسدی پِھردی حُوراں ورگی واء دیندی دُکھ بُھلا بوڑھاں ہیٹھ فرشتے کھیڈن چِڑیاں گاون گیت اکھاں نیں دربار اساڈے دِل نیں وانگ مسیت ہرتھاں لیندے نیت سانجھی عید وساکھی ساڈی سانجھے ساڈے سوگ جِسلے اِک تھاں پنچھی چُگدے رل کے اپنی چوگ مِٹ جاندے نیں روگ سچے سُچے راہ نیں ساڈے پیراں ورگے موڑ ولیاں ورگی رہتل ساڈی شیشے دیندی جوڑ سانوں کاہدی تھوڑ کھیتاں دے وِچ چانن نچے بنیاں اُتے نُور چاندی وانگر فصلاں ہوون سونے ورگا بُور عرض کریں منظور ویراں ورگے رُکھ نیں سندھو سجناں ورگی چھاں اَیویں تے نہیں ساڈے دیس دا جنت دوجا ناں کر لئے آپ نیاں کر لئے آپ نیاں ٭٭٭٭٭