پاکستانی 2019 وچ گوگل تے کیہ بھالدے رہے------ رویل

(نیٹ نیوز) انٹرنیٹ نال جتھے انسان نوں سہولتاں دیون دا چرچا رہندا اے اوتھے مثبت تے منفی سرگرمیاں دا وی چرچا ہوندا اے۔ساڈے دیس وچ انٹرنیٹ نوں صرف فلماں ویکھن یاں فیس بک تے ویلا ضائع کرن توں وکھ حالے تک اگے دا نہیں سوچیا گیا اے تے جہڑے اگے دی سوچ رہے نیں اوہناں دی تعدا آٹے وچ لُون دے برابر اے۔پاکستانیاں بارے گوگل سرچ انجن تے بھال دیاں جہڑیاں خبراں نیں اوہناں وچوں اک خبر ایہ وی مشہور ہو رہی اے کہ اوہناں نے 2019 وچ سبھ توں جہڑیاں ہستیاں بارے کھوج کیتی اے اوہناں وچ نیمل خاور، مدیحہ نقوی،سارا علی خان ،علیزے شاہ ،حمزہ علی عباسی،وحید مراد، کرکٹ دے کھڈاریاں وچوں محمد عامر بابر اعظم تے آصف علی نیں جد کہ گلوکارا وچوں پاکستانیاں نے سبھ توں ودھ عدنان سمعیع خان بارے بھال کیتی اے۔ ایس توں وکھ انڈیا دا کپتان ابھے نندن بارے وی پاکستانیاں نے بھال کیتی تے اوس بارے کھوج لاندے رہے۔