پیدل ٹُرکے ساری دُنیا گھمن والا راہ لبھ لیا گیا ۔۔۔رویل

"ساری دُنیا گھاہ ماری" والی گل تاں تُسیں سنی ای ہووے گی ہُن تُسیں پیدل ٹُرن دا جے فیصلا کر لیا اے تاں ایس نوں ودھاندیاں ہوئیاں پوری دُنیا ویکھن تک لیجایا جا سکدا اے۔ساری دُنیا تک تُسیں پیدل سفر ک سکدے او ایس بارے اجوکے سمے اچ اجہیا راہ لبھ لیا گیا اے جس دی بھال کئی چراں توں کیتی جا رہی سی۔ ایہ راہ بُہتا لما وی نہیں اے تے جے ایس نوں ناپنا ہوئے تاں صرف چودھاں ہزار میل ای بنے گا جس د ا مطلب اے 23 ہزارکلومیٹر بن جاندا اے ۔ایہ راہ پکیاں سڑکاں تے پُلاں نال وی بنیا ہویا اے پر کدھرے کدھرے کچیاں راہواں وی آون گیاں پر اوہناں تے ٹُریا جا سکدا اے۔ پیدل ٹرن والے نوں وکھ وکھ موسماں نال واہ پے سکدا اے کیوں جے کئی تھاواں تے ریگستان اے پہاڑاں والا راہ یاں ویرانی تے برفانی علاقے وی نیں،ایس توں وکھ جنگلی جنوراں نال بھریا جنگل وی ہو سکدا اے تے جے اوہناں توں بچ کے ٹرے چلو تاں تِن سال دے اندر دُنیا دا چکر لگ سکدا اے۔ ایہ راہ جنوبی افریکا دے علاقے لا اگلہس توں شروع ہوندا اے تے میگاڈن روس تک اپڑدا اے۔