سبق نمبر ۲

فعل حال دے جمع دے جُملیاں دی انگریزی کویں بنایئے

ایس سبق وچ فعل حال دے جمع دے جُملے دی انگریزی بنانا سکھاں گے۔

سادا جُملے

سارے مُنڈے کرکٹ کھیڈدے نیں۔

اوہ پُھل توڑدیاں نیں۔

اسیں اپنا ویلا ضائع کرنے آں۔

ایہناں نوں انگریزی کرن لئی ایہ طریقا اے

subject+ 1st verb+object

سبھ توں پہلے فاعل فیر فعل دی پہلی حالت تے فیر مفعول لگے گا جویں کہ ایہ ویکھو:

؎سارے مُنڈے کرکٹ کھیڈدے نیں۔ All the boys play cricket.

اوہ پُھل توڑدیاں نیں۔They pluck flowers.

اسیں اپنا ویلا ضائع کرنے آں۔We waste our time.

٭ یاد رکھن والی گل ایہ اے کہ اساں نے پہلاں جو واحد جُملے بنائے سن اوہناں وچ پہلے ورب نال ایس یاں ای ایس (s/es) دی ورتوں کیتی سی جد کہ جمع دے جُملیاں واسطے انج بلکل نہیں کرنا اے۔

نفی دے جمع دے جُملے دی انگریزی کویں بنایئے

نفی بناون واسطے انگریزی واسطے انج کیتا جاوے گا

subject+do not + 1st verb+object

سارے مُنڈے کرکٹ نہیں کھیڈدے نیں۔ All the boys do not play cricket.

اوہ پُھل نہیں توڑدیاں نیں۔They do not pluck flowers.

اسیں اپنا ویلا نہیں ضائع کرنے آں۔ we do not waste our time.

سوالیا جُملے دی انگریزی بناون دا طریقا

انگریزی بناون واسےDoجُملے دے مُڈھ وچ آوے گا تے اخیر تے سوالیا نشان لازمی آنا اے ایس توں وکھ ترتیب انج ہوئے گی

?Do+subject+ 1st verb+object

کیہ سارے مُنڈے کرکٹ کھیڈدے نیں؟ ?Do all the boys play cricket

کیہ اوہ پُھل توڑدیاں نیں؟ ?Do they pluck flowers

کیہ اسیں اپنا ویلا ضائع کرنے آں؟ ?Do we waste our time