پٹرول دی قیمت وچ وادھے دی سفارش _____ رویل نیوز

اسلام آباد(نمائندا رویل)اوگرا نے نویں سال دے شروع وچ ای پٹرولیم وستاں دیاں قیمتاں وچ تبدیلی دی سمری پٹرولیم ڈویژن نوں گھل دتی اے۔ وسیلیاں دے مطابق جنوری لئی پٹرول دی قیمت وچ فی لیٹر 2رُپئے 61پیسے وادھے دی سفارش کیتی گئی اے۔ ڈیزل دی قیمت وچ فی لیٹر 2رُپئے 25پیسے وادھے دی سفارش کیتی گئی اے۔ اوگرا نے پٹرول دی نویں قیمت 116رُپئے 60پیسے فی لیٹر متھن دی سفارش کیتی اے جدوں کہ ڈیزل دی نویں قیمت 127رُپئے 26پیسے فی لیٹر متھن دی سفارش کیتی گئی اے۔ مٹی دے تیل دی نویں قیمت 99رُپئے 45پیسے فی لیٹر متھن دی سفارش تے لایٹ ڈیزل آیل دی نویں قیمت 84رُپئے 51پیسے فی لیٹر متھن دی سفارش کیتی گئی اے۔