kraamaat@gmail.com
+ +92 333-430-6384


سرکاردا دیہاڑی داراں نوں لنگر خانیاں توں اَن پانی دی سہولت دین دا فیصلاــــــ رویل نیوز


نمائندا رویل December 31, 2019


اسلام آباد(نمائندا رویل ) حکومت نے دیہاڑی داروں نوں لنگر خانیاں توں روٹی پانی دی سہولت دین دا فیصلاکیتا اے۔ اُچیچی معاون برائے اطلاعات فردوس عاشق اعوان نے آکھیا اے کہ جے کسے دیہاڑی دار نوں دیہاڑی نہیں ملدی، اوہ لنگر خانے توں اپنے بالاں لئی کھانا لیجاسکے گا، ایس مقصد لئی ہر شہر وچ لنگر خانے کھولے جان گے، کابینا نے لنگر خانے تے پناہ گاہواں دے پروگرام نوں سلاہیا۔اوہناں نے وفاقی کابینا دے اجلاس مگروں میڈیا بریفنگ وچ دسیا کہ کابینا اجلاس وچ مقبوضا کشمیر دی صورتحال دا جایزا وی لیا گیا۔مقبوضا کشمیر وچ لاک ڈاؤن نوں 148دن ہو گئے نیں، کابینا نے بھارتی اقدامات دی نندیا کیتی۔اوہناں نے آکھیا کہ اجلاس وچ وفاقی وزیر شہریار آفریدی نے رانا ثناء اللہ دے کیس اُتے کابینا نوں بریفنگ دتی، جہدے توں پتا لگا کہ رانا ثناء اللہ خلاف ثبوت موجود نیں۔اوہناں دا آکھنا سی کہ کابینا اجلاس وچ نیب آرڈیننس بارے وی معاملات دا جایزا لیا گیا۔