kraamaat@gmail.com
+ +92 333-430-6384


نویں ورھے دے پہلے دن توں پٹرول تے گیس مہنگی-------- رویل نیوز


نمائندا رویل January 01, 2020


لاہور ( نمائندا رویل) نویں ورھے دے پہلے دن ای لوکائی نوں مہنگائی دی خبر نال لنگھانا پینا اے۔پچھلے ورھے کھان پین دیاں شیواں دے نال نال ہور وستان دی مہنگائی نے لوکائی دا جینا اوکھا کر دتا سی پچھلے کئی دناں توں نویں ورھے وچ معاشی خشحالی لیاون دے جہڑے دعوے کیتے جا رہے سن اوہناں دا پول پہلے دن ای کھل گیا اے۔ پٹرول اک لیٹر پچھے دو روپے اکی پیسے ودھا ئے گئے نیں تے ہُن اک سو سولھاں روپے دو پیسے اک لیٹر دی قیمت ہو گئی اے۔پٹرول دی قیمت وچ وادھے نال ہر وست دی قیمت مہنگی ہو جاندی اے ۔ایس سال گیس دی قیمت وچ اک سو اکانوے فیصد وادھا ہویا اے ۔ ہائی سپیڈ ڈیزل تے مٹی دا تیل وی مہنگا کر دتا گیا اے۔ گھروکی ورتارے واسطے 213 فیصد دے لگ بھگ وادھا ہویا اے جس دا اطلاق پہلی جنوری 2020 توں ہوئے گا۔