بالاں ولوں گرم کپڑیاں دی فرمایش: والد نے خدکشی کر لئی ــــــ رویل نیوز

کراچی(نمائندا رویل )کراچی وچ سردی اپنے پورے زوراں اُتے اے پر حکومت نہ تے امیر دا خیال کر رہی اے تے نہ ای کسے غریب نوں جین دے رہی اے، پر اک غریب بندے نے بالاں نوں گرم کپڑے مُل لے کے نہ دین دی حیثیت دی وجھا توں اپنے ای ہتھاں نال اپنی زندگی ختم کر لئی۔کراچی دی سردی وچ بالاں دے گرم کپڑیاں دی فرمایش اُتے والد نے خدکشی کر لئی۔ پچھلے دیہاڑے آپ ساڑا کرن والا کورنگی ابراہیم حیدری دا واسی میر حسن اج ڈاڈھے زخماں کارن سول ہسپتال وچ دم دے گیا۔کھوتا ریڑھی چلان والا میر حسن مہنگائی ہتھوں تنگ سی۔ میر حسن نے خدکشی توں کُجھ دن پہلاں وزیراعظم نوں اک خط لکھیا سی جہدے وچ اوہنے عمران خان توں اپیل کیتی کہ اوہ غریب بندا اے ،اوہدے گھر والیاں لئی اک گھر دا بندوبست کیتا جائے تے اوہدے بالاں نوں سکول وچ داخلا دلوایا جائے۔غریب والد نے اپنے خط وچ وزیر اعظم نوں لکھیا کہ جے اوہناں لئی کوئی بندوبست نہیں کیتا گیا تے اوہ اپنی غربت دی وجھا توں خدکشی کر لوے گا۔