kraamaat@gmail.com
+ +92 333-430-6384


(8)انگریزی کویں سکھیے؟


Choose Writer ... January 26, 2020


فعل حال مکمل جاری

PRESENT PERFECT CONTINUOUS TENSE

فعل حال مکمل اوہ فعل اے جہدے وچ موجودا زمانے وچ کم کجھ مکمل وی ہوئے تے حالے جاری وی ہوندا اے۔

جُملیاں دے اخیر وچ رہیا اے،رہی اے،رہیا آں،رہے نیں تے نال ویلے نوں وی دسیا گیا ہوندا اے جویں

اوہ دو گھنٹیاں توں کتاب پڑھ رہیا اے۔

میں سویر توں چاہ بنا رہی آں۔

اوہ 1998توں ایس مکان وچ رہ رہے نیں۔

پچھلے دو گھنٹیاں توں بارش ہو رہی اے۔

میں کئی ورھیاں توں پنجابی پڑھا رہیا آں۔

(ایہناں سبھ جُملیاں توں ایہ گل نِتردی اے کہ موجودا زمانے وچ کجھ ویلے توں کم جاری اے تے اجے پورا نہیں ہویا اے جویں پہلا جُملا”اوہ دو گھنٹیاں توں کتاب پڑھ رہیا اے“ ایہدے وچ”’دو گھنٹے “ ویلے نوں دسدے نیں تے ”پڑھ رہیا اے“ کم نوں جاری رہن بارے جانکاری دیندے نیں)

ایس نوں انگریزی بناون واسطے اُصول:

subject+has been/have been+ 1st verb + since or

for+object

He,She,It

تے واحد اسم دے نال has been لگے گا جد کہ

I,We,You,Theyتے جمع دے اسم نال have been ورتاں گے۔

٭ایس tenseواسطے کجھ نویں قاعدے تے اُصول وی نیں جو یاد داشت وچ محفوظ کر لو

SINCE٭

کوئی کم جدوں مِتھیا یاں مقرر کیتاگیا ہویا ہوئے اوس واسطےsinceورتدے نیں۔ایہدے وچpoint of timeہوندا اے جس دا مطلب اے مِتھیا ہویا ویلا۔

مثال وجوں

1980 توں،سویر توں،شام توں،رات توں،اَدھی رات توں،بُدھ توں،7وجے توں، اج،کل،اج دی رات،مئی توں وغیرہ واسطےsinceلگے گا۔

For٭

ایہ اودوں ورتیا جاوے گا جدوں ویلے دا کوئی پتا نہ ہوئے کہ کدوں دا اے جویں کہ”چار گھنٹے توں“ ایہدے توں پتا نہیں لگدا کہ ایہ چار گھنٹے سویر دے نیں شام دے یاں رات دے ایسے طرحاں ”کئی ورھیاں توں“ ایہدے وچ وی ویلے نوں مِتھیا نہیں جا سکدا اے کہ کہڑے ورھے نیں۔ ایہدے وچ period of time یعنی اجہیا ویلا جس نوں مِتھیا نہ گیا ہووے

ایس لئی جدوں مِتھیا نہ جا سکے تاں forورتاں گے جویں کہ

کئی ورھیاں توں،کئی دناں توں،کئی گھنٹیاں توں،چار ورھیاں توں،دو دِناں توں،تِن ہفتیاں توں،پنج گھنٹیاں توں وغیرہ نال فہر ورتیا جاوے گا۔ ہُن فعل حال مکمل جاری دے جُملیاں دی انگریزی بناون دی مشق کرنے آں

اوہ دو گھنٹیاں توں کتاب پڑھ رہیا اے۔

. He has been reading a book for two hours

میں سویر توں چاہ بنا رہی آں۔

.I have been makin tea since morning

اوہ 1998توں ایس مکان وچ رہ رہے نیں۔

.They have been living in this house since 1998

پچھلے دو گھنٹیاں توں بارش ہو رہی اے۔

.It has been raining for last two hours

میں کئی ورھیاں توں پنجابی پڑھا رہیا آں۔

.I have been teaching Punjabi for many years

واہی وان ست وجے توں ہل واہ رہیا اے۔

.The farmer has been ploughing since 7 o'clock

NEGATIVE SENTENCESمنفی جُملے

ایس tense دے منفی جُملے بناون واسطےhas تے haveتوں بعدnotلگے گا تے باقی سارے اُصول اُنجے ای رہن گے۔

subject+has not been/have not been+ 1st verb + since or for+object

ہُن فعل حال مکمل جاری دے جُملیاں دی انگریزی بناون دی مشق کرنے آں اوہ دو گھنٹیاں توں کتاب پڑھ رہیا اے۔

.He has been reading a book for two hours

میں سویر توں چاہ نہیں بنا رہی آں۔

.I have not been makin tea since morning

اوہ 1998توں ایس مکان وچ نہیں رہ رہے نیں۔

.They have not been living in this house since 1998

پچھلے دو گھنٹیاں توں بارش نہیں ہو رہی اے۔

.It has been not raining for last two hours

میں کئی ورھیاں توں پنجابی نہیں پڑھا رہیا آں۔

.I have not been teaching Punjabi for many years

واہی وان ست وجے توں ہل نہیں واہ رہیا اے۔

.The farmer has not been ploughing since 7 o'clock

سوالیا فقراتINTERROGATIVE SENTENCES

سوالیا فقرات بناون واسطےHasتےHave نوں فقرے دے شروع وچ لیاواں گے تے ایس توں بعد فاعل تے فیر beenتے پہلی فارم نالingلگے گا بعدوں sinceتے for

?+Have/Has +subject+ been+ 1st verb + since or for+object

ہُن فعل حال مکمل جاری دے جُملیاں دی انگریزی بناون دی مشق کرنے آں کیہ اوہ دو گھنٹیاں توں کتاب پڑھ رہیا اے؟

? Has he been reading a book for two hours

کیہ میں سویر توں چاہ بنا رہی آں؟

?Have I been makin tea since morning

کیہ اوہ 1998توں ایس مکان وچ رہ رہے نیں؟

?Have they been living in this house since 1998

کیہ پچھلے دو گھنٹیاں توں بارش ہو رہی اے؟

?Has it been raining for last two hours

کیہ میں کئی ورھیاں توں پنجابی پڑھا رہیا آں؟

?Have I been teaching Punjabi for many years

کیہ واہی وان ست وجے توں ہل واہ رہیا اے؟

?Has the farmer been ploughing since 7 o'clock