اَزادی

ازادی نعرے دا نام نہیں ہے
ازادی ہنگارے دا نام نہیں ہے
ازادی اکھراں راہیں لکھن دا نام نہیں ہے
ازادی منگ رہے سوالاں وچ نہیں ہے
ازادی جُسیا ں نوں کُھلاچھڈن دا نام نہیں ہے
ازادی نام ہے
اُڈاری دا
نام ہے سوچ دا
کھڑ کھڑ ہسن دا
ڈھاہیں مارن دا
جُسیا ں دی طاقت نوں
کھُل کے ورتن دا
ازادی نام ہے
ہمالیہ دی ٹیسی اُتوں ہیک لاون دا
نام ہے اک پتن توں دوجے تیک
اپڑ جاون دا
ازادی نام ہے واج سَنگھتوں
باہر کڈھن دا
ازادی نام ہے اپنی مرضی نال
ساہ نوں اندر کھچن دا
باہر کڈھن دا