kraamaat@gmail.com
+ +92 333-430-6384


غزل


عبداللہ قیصر February 16, 2020


زہر جدائیاں گھل جاناکوئی سوکھا نہیں

پیار کسے دا بھل جانا کوئی سوکھا نہیں

یار نوں اپنا کہنا سوکھا لگدا اے

یار دی خاطر رُل جاناں کوئی سوکھا نہیں

مصر بازارے جا کے عشق ترکڑی وچ

اَٹی دے مُل تُل جاناں کوئی سوکھا نہیں

اد ھآسمانی اُڈدے کالے بدلاں دا

دھرتی اُتے ڈُلھ جانا کوئی سوکھا نہیں

دکھ درداں دے ڈاڈھے چوبھویں کنڈیاں وچ

قیصر وانگوں کھل جانا کوئی سوکھا نہیں