نویں سیاسی حالات وچ چودھری برادران دی تعریف

اسلام آباد(نمائندا رویل)وزیر اعظم عمران خان نے چالو صورتحال وچ چودھری برادران دے کردار دی تعریف کیتی اے۔ اوہناں نے آکھیا کہ چالو سیاسی صورتحال وچ چودھری برادران نے زبردست کردار ادا کیتا اے، سپیکر پنجاب اسمبلی چودھری پرویز الہی نے حکومتی وزیراں نوں بیان بازی توں ڈکن دی صلاح دتی۔ میڈیا رپورٹس دے مطا بق چودھری برادران دا سربراہ جے یو آئی (ف) مولانا فضل الرحمان نال ملاقات مگروں وزیر اعظم نال رابطا ہویا۔وسیلیاں دا آکھنا اے کہ سپیکر پنجاب اسمبلی چودھری پرویز الہی نے حکومتی وزیراں نوں بیان بازی توں ڈکن دی تجویز دتی۔اوہناں نے آکھیا کہ معاملے دے حل لئی فریقاں نوں لچک وکھانی پئے گی۔مولانا فضل الرحمان نے ساڈی گل ہامی بھرن والے انداز وچ سُنی اے۔