دیسی کُڑی دا کردار پسند اے،فلماں توں ودھ ڈرامیاں وچ کم کرنا پسند اے: زارا نور  ـــ رویل نیوز

اسلام آباد (بیورو رپورٹ) اداکارا زارا نور عباس نے کہیا اے کہ اوہناں نُوں فلماں توں ودھ ڈرامیاں وچ کم کرنا پسند اے۔ اوہناں نے دَسیا کہ اوہناں نُوں دیسی کڑی دا کردار ادا کرن وچ بہت مزا آندا اے‘ اوہناں نُوں پٹھان تے پنجابی کڑی دا کردار ادا کرن دا بہت شوق اے۔ اوہناں نے کہیا کہ ایہو جہے ای اِک دو کردار پہلے کر چکی آں پر دیسی کڑی دے کردار نے اوہناں نُوں ہور نکھاریا اے۔ اِک سوال دے جواب وچ اوہناں نے کہیا کہ اوہ ایہو جہے کردار ایس لئی کرنا چاہندے نیں تاں جے کجھ نہ کجھ سکھدے رہن۔ ہور فلم آفرز دے حوالے توں اوہناں نے کہیا کہ اصل وچ جہڑے کردار اوہناں نُوں دِتے جا رہے نیں‘ اوہ پہلے ای کر چکے نیں‘ کم و بیش شبو تے حیا دے کردار نال رَلدے ملدے کرداراں دی پیشکش دی بناء اُتے اوہناں نے کجھ فلماں کرن توں انکار کر ِتا‘ مینوں چھوٹے وڈے کردار نال فرق نہیں پیندا۔